ໜ້າຫຼັກ / ການເຄື່ອນໄຫວ / ຟຟລ ສາຂາແຂວງເຊກອງ ດໍາເນີນຊີວິດການເມືອງທ້າຍສະໄຫມ ແລະທາບທາມບຸກຄະລາກອນຮອບII
ກອງປະຊຸມດຳເນີນຊີວິດການເມືອງທ້າຍສະໄຫມ ແລະທາບທາມບຸກຄະລາກອນ ຮອບ II ທີ່ຈະຮັບສະໝັກເລືອກຕັ້ງ ເຂົ້າເປັນຄະນະໜ່ວຍລັດວິສາຫະກິດໄຟຟ້າລາວ (ຟຟລ) ສາຂາແຂວງເຊກອງ ສະໄໝທີ II ທີ່ຂຶ້ນກັບຄະນະພັກຮາກຖານພະແນກພະລັງງານ ແລະບໍ່ແຮ່ ແຂວງເຊກອງ ຈັດຂຶ້ນໃນວັນທີ 8 ຕຸລາ 2024 ໂດຍການເຂົ້າຮ່ວມເປັນປະທານຂອງສະຫາຍພິມວົງ ຊວງມະນີ, ຮອງເລຂາຄະນະພັກຮາກຖານ, ຮອງຫົວຫນ້າພະແນກພະລັງງານ ແລະບໍ່ແຮ່ແຂວງ, ມີຄະນະໜ່ວຍ ພ້ອມດ້ວຍສະມາຊິກ ແລະ ຂະແຫນງການກ່ຽວຂ້ອງ ເຂົ້າຮ່ວມ.
ໃນກອງປະຊຸມ, ສະຫາຍ ຄໍາປະສົງ ທະນົງສິນ ເລຂາໜ່ວຍພັກລັດວິສາຫະກິດ ຟຟລ ກ່າວວ່າ: ໃນກອງປະຊຸມໄດ້ຮັບຟັງຮ່າງບົດລາຍງານການເມືອງ 2 ພາກ, ຮ່າງແຜນພັດທະນາເສດຖະກິດ-ສັງຄົມ 5 ປີ ແລະບົດສໍາຫຼວດການນໍາພາລວມຂອງຄະນະໜ່ວຍພັກ ໃນໄລຍະ 5 ປີຜ່ານມາ ແລະທິດທາງແຜນການ 5 ປີ (ສະບັບປັບປຸງ) ຂອງໜ່ວຍພັກລັດວິສາຫະກິດ ຟຟລ ສາຂາແຂວງເຊກອງ. ພ້ອມນີ້, ຂະແຫນງການກ່ຽວຂ້ອງ ແລະສະມາຊິກ ໄດ້ປະກອບຄໍາຄິດຄຳເຫັນໃສ່ບັນດາຮ່າງເອກະສານດັ່ງກ່າວ, ຈາກນັ້ນ ໄດ້ແບ່ງຈຸດໍາເນີນຊີວິດການເມືອງ ເພື່ອຜ່ານບົດສໍາຫຼວດບຸກຄົນ, ເພື່ອເປັນການຕໍານິກໍ່ສ້າງຊ່ວຍເຫຼືອເຊິ່ງກັນກັນພາຍໃນໜ່ວຍພັກ ເພື່ອໃຫ້ກາຍເປັນສະມາຊິກພັກທີ່ປອດໃສ ເຂັ້ມແຂງ ແລະຫນັກແຫນ້ນ, ເປັນແບບຢ່າງນໍາຫນ້າທີ່ດີໃຫ້ແກ່ມະຫາຊົນ, ເປັນແກນນໍາສໍາຄັນຂອງພັກ. ໃນພາກບ່າຍກອງປະຊຸມ, ຕາງຫນ້າຄະນະຈັດຕັ້ງແຂວງ ໄດ້ຜ່ານມາດຖານເງື່ອນໄຂ ຜູ້ທີ່ຈະສະໝັກເຂົ້າໂຄງປະກອບຄະນະໜ່ວຍພັກຊຸດໃໝ່ ແລະ ດໍາເນີນການປ່ອນບັດທາບທາມບຸກຄະລາກອນ ຕາມລະບຽບການຂອງພັກຢ່າງເຂັ້ມງວດ ເພື່ອຮັບສະໝັກຄັດເລືອກເຂົ້າໃນຄະນະໜ່ວຍພັກລັດວິສາຫະກິດ ຟຟລ ສາຂາແຂວງເຊກອງ ສະໄໝທີ II ຮອບທີ II.
