ມວນຊົນຊາວແຂວງເຊກອງ ແຮ່ຂັນຫມາກເບັງ ໃນງານບຸນເສົາຫຼັກເມືອງ ແລະອະນຸສາວະລີອົງແກ້ວ
14 Jan 2025 | ພຸດທະສອນ |
ຂະບວນແຫ່ຂັນໝາກເບັງ ໃນງານນະມັດສະການເສົາຫຼັກເມືອງບັນດາເຜົ່າ ແລະ ອະນຸສາວະລີອົງແກ້ວ ໃນວັນທີ 12 ມັງກອນ , ເຊິ່ງນຳໜ້າໂດຍພະສົງສາມະເນນ, ການນຳແຂວງ-ເມືອງ ພ້ອມດ້ວຍມວນຊົນຊາວແຂວງເຊກອງ ໂດຍເລີ່ມຕົ້ນແຫ່ອ້ອມຮອບແຕ່ອະນຸສາວະລີອົງແກ້ວຈຳນວນ 3 ຮອບ ແລະແຫ່ລົງມາສວນຫຼັກເມືອງອີກຈຳນວນ 3 ຮອບ ຫຼັງຈາກນັ້ນມວນຊົນກໍ່ໄດ້ເຂົ້າສັກກາລະບູຊາເສົາຫຼັກເມືອງຕາມຮີດຄອງປະເພນີທີ່ເຄີຍປະຕິບັດກັນມາຢ່າງຕໍ່ເນື່ອງໃນທຸກໆປີ , ຊຶ່ງໃນຕອນແລງ ກໍໄດ້ມີພິທີທາງສາສະຫນາ ແລະ ໃນຄໍາຄືນຂອງມື້ດຽວກັນ ກໍໄດ້ມີການຄົບງັນຕາມປະເພນີຕະຫລອດແຈ້ງ.
Share: