ໜ້າຫຼັກ / ການເຄື່ອນໄຫວ / ພະແນກ ອຄ ເຊກອງ ລົງຕິດຕາມກວດກາສິນຄ້າຢູ່ຕະຫລາດ .....
ໃນຕອນເຊົ້າວັນທີ 24 ມັງກອນ 2025 ນີ້, ທ່ານ ນາງ ວິລະຄອນ ບັນທະເວີ ຮອງຫົວໜ້າພະແນກອຸດສາຫະກຳ ແລະ ການຄ້າແຂວງ ພ້ອມດ້ວຍຂະແໜງການກ່ຽວຂ້ອງ ໄດ້ລົງເຄື່ອນໄຫວຊຸກຍູ້, ຕິດຕາມ ແລະ ກວດກາສິນຄ້າ ຢູ່ຕະຫລາດສົດເທສະບານເມືອງລະມາມ ແຂວງເຊກອງ. ທັງນີ້, ເພຶ່ອຫລີກລ້ຽງບໍໃຫ້ມີການສວຍໂອກາດຂຶ້ນລາຄາສິນຄ້າ ໃນໄລຍະສະເຫລີມສະຫລອງບຸນປີໃໝ່ຫວຽດ ພ້ອມທັງ ຮັບປະກັນບໍ່ໃຫ້ສິນຄ້າຂາດຕະຫລາດ, ສະໜອງພຽງພໍກັບການບໍລິໂພກພາຍໃນ ໂດຍສະເພາະແມ່ນບັນດາໂຄງການຕ່າງໆພາຍໃນແຂວງ ແລະ ຂາຍໃນລາຄາທີ່ພາກລັດກຳນົດໄວ້. ຊຶ່ງຜ່ານການກວດກາເຫັນໄດ້ວ່າ ມີຄວາມສະງົບໂດຍພຶ້ນຖານ.