ໜ້າຫຼັກ / ການເຄື່ອນໄຫວ / ໜ່ວຍພັກສົ່ງເສີມ ປະເມີນຜົນ ແລະ ແຜນການ ເລື່ອນສະມາຊິກພັກສໍາຮອງ ເປັນສະມາຊິກພັກສົມບູນ
ໜ່ວຍພັກສົ່ງເສີມ, ປະເມີນຜົນ ແລະ ແຜນການ ທີ່ຂຶ້ກັບຄະນະພັກຮາກຖານ ພະແນກແຜນການ ແລະ ການລົງທຶນແຂວງເຊກອງ ຈັດພິທີເລື່ອນສະມາຊິກພັກສໍາຮອງ ເປັນສະມາຊິກພັກສົມບູນ ໃນວັນທີ 31 ຕຸລາ 2024 ໂດຍການເປັນກຽດເຂົ້າຮ່ວມ ຂອງສະຫາຍ ຄໍາປະກອນ ອຸເທນທະປັນຍາ ຮອງເລຂາຄະນະພັກຮາກຖານ, ຮອງຫົວໜ້າພະແນກແຜນການ ແລະ ການລົງທຶນແຂວງ, ມີຄະນະພັກຮາກຖານ, ຄະນະໜ່ວຍພັກ, ສະມາຊິກພັກສົມບູນ-ສໍາຮອງ ແລະ ຂະແໜງການກ່ຽວຂ້ອງ ເຂົ້າຮ່ວມ.
ໃນພິທີ, ສະຫາຍ ກາວິນ ແກ້ວຈັນທະວົງ ຫົວໜ້າຂະແໜງພັກ ຄະນະຈັດຕັ້ງແຂວງ ໄດ້ຜ່ານມະຕິຕົກລົງ ຂອງຄະນະປະຈໍາພັກແຂວງ ໂດຍອີງຕາມກົດລະບຽບ ຂອງພັກປະຊາຊົນ ປະຕິວັດລາວ ສະໄໝທີ XI ໝວດທີ I ມາດຕາ 1 ຂໍ້ (ຄ) ການພິຈາລະນາເລື່ອນສະມາຊິກພັກສໍາຮອງ ເປັນສະມາຊິກພັກສົມບູນ ແລະ ໝວດທີ IV ມາດຕາ 24 ຂໍ້ (ຂ) ໜ້າທີ່ ແລະ ສິດ ຂອງຄະນະປະຈໍາພັກແຂວງ. ໃນນີ້, ໄດ້ເຫັນດີເລື່ອນ ສະຫາຍ ນາງ ສຸກສະໄໝ ປັນຍາຄູນ ອາຍຸ 31 ປີ ຈາກສະມາຊິກພັກສໍາຮອງ ເປັນສະມາຊິກພັກສົມບູນ; ຊຶ່ງຜູ້ກ່ຽວໄດ້ຜ່ານການຮຽນສະໜັບສະໜູນ, ຮຽນກົດລະບຽບ ຂອງພັກ ແລະ ຜ່ານສະໄໝສໍາຮອງຖືກຕ້ອງຕາມກົດລະບຽບ ຂອງພັກວາງອອກຢ່າງເຂັ້ມງວດ.
ໂອກາດນີ້, ສະຫາຍ ຄໍາປະກອນ ອຸເທນທະປັນຍາ ໄດ້ຍົກໃຫ້ເຫັນບັນດາເນື້ອໃນພື້ນຖານ, ຄວາມໝາຍສໍາຄັນ ຂອງການເຂົ້າເປັນສະມາຊິກພັກປະຊາຊົນ ປະຕິວັດລາວ. ພ້ອມທັງ, ຊີ້ນໍາໃຫ້ຄະນະໜ່ວຍພັກ, ສະມາຊິກພັກສົມບູນ-ສໍາຮອງພາຍໃນໜ່ວຍ ກໍ່ຄືສະມາຊິກພັກສົມບູນໃໝ່ ຕ້ອງເພີ່ມທະວີຄົ້ນຄວ້າ, ເຊື່ອມຊຶມ ແລະ ກໍາແໜ້ນກົດລະບຽບ ຂອງພັກ ໂດຍສະເພາະແມ່ນໜ້າທີ່, ສິດ ແລະ ຂໍ້ຫ້າມສໍາລັບສະມາຊິກພັກ; ຍົກສູງຄວາມຮັບຜິດຊອບ, ນໍ້າໃຈເສຍສະຫລະ, ສຸມສະຕິປັນຍາປະຕິບັດໜ້າທີ່ການເມືອງ ກໍ່ຄືວຽກງານວິຊາສະເພາະ ທີ່ໄດ້ຮັບມອບໝາຍສໍາເລັດຕາມກໍານົດເວລາວາງໄວ້; ເອົາໃຈໃສ່ເພີ່ມທະວີຄວາມມາສັກຄີເປັນປຶກແຜ່ນ, ຕັ້ງໜ້າຝຶກຝົນຫລໍ່ຫລອມ ແລະ ປະຕິບັດຄໍາຕິຍານ ຂອງຕົນທີ່ຂຽນລົງໃນຄໍາຮ້ອງ ຂໍເຂົ້າເປັນສະມາຊິກພັກປະຊາຊົນ ປະຕິວັດລາວ ຢ່າງເຂັ້ມງວດ.
